كتير عليا اكون انسان

لسان حال كل المصريين قبل واثناء وبعد الثورة الشعبيه المجيدة


كتير عليا اكون انسان
مطلبتش لعلاوة نقديه
ولا طالب على حقى ذياده شويه
ولا عايز اتنقل من الشغلانه
ديه لديه
ولا الرشوه عايزها
ولا حد يقولى ياباشا
ولا حتى يا بيه
ولال حساب فى البنك كام مليار
ولا عايز اكون طيار
كتير عليا اكون انسان
بلدى حياتى وناسها احبابى
بس انا رافض اعيش محتار
ولما اموت يقولو عليا ضحيه
تبقى مصيبتى انى بحبك
وانتى ساكته عليا
شايفه يا بلدى اللى بيحصلى وعاجبك
طب لو هجرتك
وجتلك ويا الغاصبين
مش تبقى خيانه
هتشكى لمين
وتقولى ايه
ابنى كان
اصله جبان
كتير عليا اكون انسان
عمرى ما اخونك
طينى من لونك
ولا لونى من طينك
شايل مهرك بيدى
انا اللى حضرت ولاتك
صحينى واندهينى
صحى حلمى اللى جوايا اندفن
صابر ومستنى ردك عليا عايز تقولى
الاقى فين ناس طيبين
الاقى فين هرم ونيل
الاقى فين مصر تانيه
فيها كل الحاجات الحلوة فيكى
عارفانى مين
انا اللى عمرى ما خاف منك
ولا يوم خفتى عليه
وليه خافيه بكاكى ليه
بتبتسمى ليه وتتنكرى
مهو انتى كنتى راضيه
امتى كان الظلم عادى
تعبت انادى
عايزانى ليه دايما بطل
دايما شجاع مقدام
لو كلمتى سيفى هيفيد معاكى الكلام
ان مكنتيش سامعه ندايا
حسى باللى جوايا
عمرى كله واهبه ليكى
والعمر بردو مش كفايه

مش بعاتبك بس خايف من سكاتك
مش بلومك بس عايزك تهبى تقومى

بقلمى العاشق دومأ
................

وائل البسام

اشكرك مديرتنا


دمتى بكل خير وود

يسلموووو كلمات رائعه
لاعدمنا جمال عطائك

دمت بخير

اشكرك سارونه

مشكورة على المرور الطيب العطر

دمتى بكل خير