كيفية فحص الاجهزه المستعمله - مهم قبل الشراء

كيفية فحص الاجهزه المستعمله - مهم قبل الشراء

هلو
اشلونكم؟؟؟

طبعا الكثير من الناس يشترون الهاردوير المستعمل وبعدين يطلع عاطل او عمره منتهي وتروح كل فلوسهم وهنا راح اخلي موضوع عن كيفيت فحص الجهاز قبل الشراء
طبعا اكثر الناس الي فلوسهو متكفي انه يشتري جديد يشتري مستعمل ونفس الشخص من فلوسه تكفي للجديد يكول كل المستعمل عاطل لعد ليش صاحبه يريد يبيعه

طبعا قبل متشتري الهاردوير لازم ينطيك ضمان يوم واحد على الاقل علمود تتاكد من هذا الشي زين او لا بس اذا ماقبل فاتاكد انه الشي تالف

راح ابدي باهم القطع وهي اللابتوب بكل انواعها

laptop

1- الشاشه
انظر لها نضره صطحيه اخاف تحوي على خدوش او ماشابه وبعدها شغل الابتوب ثم غير خلفيت الشاشه الي دائما تكون جميله وخلي خلفيه بيضاء وشوف اكو بقع او الوان اخرى على الشاشه وبعدين خلي لون اصفر او اخضر او ماشابه
فتح اضائت الشاشه وهذا الشي اذا متعرفه شلون اسال صاحبه اكيد يعرف وشوف فاذا كانت جيدة الاضائه فالشاشه جيده
افتح الشاشه واغلقها نصف غلق عدت مرات وشوف اكو اهتزازات بالشاشه اذا لا فجيد
واهم نقطه شوف براغي المفصلات هل مفتوحه اي فيها اثار مسامير اذا نعم يهني الشاشه مبدله ومتفيد نقص من سعره 100 دولار

2- الكيبورد
اختبره في احد برامج الطباعه وجرب كل الازرار حتى الارقام

3- الهارد دسك
جرب فرمته او انقل منه او اله ملفات كبيرت الحجم اذا سمعت صوت تك تك تك او ورررر ووررر ورورور يعني الهارد تالف

4- dvd rw
طبعا اهنا كلت dvd rw لانه الماشي الان يجب نسخ اسطوانه به لمعرفت مدى قوته وجرب شغل الاسطوانه هل هي تعمل بينما dvd و cd عادي جرب شغل فيه قرصين من نوعين مختلفين اي princo او اميشن

5- lan - الواير لس
طبعا اهنا اختصرت بفحص اللان والواير لس لانهم مهمين لكن المودم انقرض بعد ميفيد طبعا يكون فحصهم بتجريبهم يعني اربط الحاسبه على اللان وعلى الوايرلس الداخلي

6- الصوت
شغل اي ملف صوتي واضح وعلي الصوت اسمع هل سماعه فاصله او هل توجد خرخشه

7- usp
وتجربته بسيطه جدا بواسطة تشغيل افلاشه على كل منافذ usp الحاسبه

واخيرا اقول
جرب نزل نسخة وندوز عليه اذا كانت بدون مشاكل فهو جيد جدا واعرف المواصفات الحقيقيه للجهاز من نسخة الوندوز الجديده
طبعا ما اوصيكم على الخطاء الخارجي اخاف بي كسر او فطر وبراغي الجهاز من الاسفل ناقصات او هاريهن فتح
ثاني يوم رجع الجهاز وقل لصاحب الجهاز الجهاز هذا ميفيدني واذا طلع مسدسه وكتلك اني معليه لان انته هم زودته بفحص الجهاز

disktop

1- الهارد

يتم فحصه بواسطة تنزيل نسخة وندوز عليه اذا كملت بدومن مشاكل او اصوات مثل تك تك تك او ور وررر
فهو جيد اما عن الهارد الاكستيرنال او الي متريد اتنزل نسخت وندوز اله فقوم بنسخ ملف كبير جدا جدا اله وشوف يطلع صوت لو لا وبعده اضغط كلك ايمن وفورمات شوف يستجيب بسهوله لو لا وبدون اصوات

2- الرام
يتم فحصه عن طريق النظر له هل فيه كسور او نقص شعيره منه وبعدها ركبه بالجهاز ونزل وندوز وشوف اكو مشاكل

3- المذربورد
انظر الى اللحيم في خلفه هل كلاهامتشتبه او فيها لحيم كبير او يختلف بالشكل عن البقيه وبعدها ركبه بالحاسبه وفرمت الحاسبه

4- كارت الشاشه v.card
انظر الى المكثفات هل فيها تضخم واربطه على الحاسبه والعب عليه اقوى الالعاب التي يستطيع تشغيلها لمده على الاقل نصف ساعه وشوف اكو تقطيع او كمج بالالوان

5- البروسيسر
ركبه بالحاسبه وقوم بتنزيل وندوز كامل عليه

6- كروت الصوت
يتم فحصها بواصطة الهدفون وليس السماعات الكبار لان الهدفون يكون صوته اوضح وبعدين سجل بيه باي برنامج تسجيل حتى اذا الجاي ويه الوندوز وشوف اكو بالاتسجيل خرخشه

7- dvd او cd
طبعا الرايتر انسخ بيه قرص وشغله اما الروم فجرب شغل بيه اقراص cd و dvd ومن انواع وشوف

واخيرا اقول للبائع وضح عيوبها للمشتري افضل الك وللمشتري

عدد المساهمات : 235 تاريخ التسجيل : 12/03/2011

شكرا للمعلومات

تسلم ايدك

كيفية فحص الاجهزه المستعمله - مهم قبل الشراء Wh_64922768

شكرا

للمعلومات

بس المسكين البائع

راح يخسر

جميل منك ساره

تحياتي الك

نصائح حلوه

مشكووووووووووووووووووورررررررررررره

» الاجهزه الحديثه....نعمه ام نقمه
» برنامج لتعليم كيفية تنزيل ويندوس جديد